'BABEL' – na banca dac te de plu rujenedes per i inuemes populeres de plantes salveres dl’Europa.

L latin ie la rujeneda universela di botanicri. Ora dla mudazions taxonomiches che n adrova y che ie suvënz ries da ti sté do, ie l latin na costanta, n puent linguistich. I botanicri de dut l mond se capësc un cun l auter, ajache i inuemes dla plantes ie n standard y la sortes nueves vën per prim descrites y publichedes per latin. L sistem binomiel ie l gran testamënt de Linnaeus, che n possa belau nia sustituì.

Ma nce i inuemes populeres ne dëssa nia unì desmincëi, che la persones à adurvà per seculi a na maniera defrënta te uni paesc, te uni region y te n valgun caji monce te uni valeda o te uni luech. Datrai à chisc inuemes na sëur poetica y nëus ne i dausson nia pierder! Ajache son n nglëisc, cunësci miec i inuemes per nglëisc, ma ie crëie, che chësc vel nce per i autri paejes sëura dut l mond. I inuemes tradiziunei de nosta plantes salveres reprejentea na pert dla storia, dl folclor, dla striunaria y dla medejina, y i mostra su na testemunianza te n’autra valuta, y uni pert à l medemo valor sciche l sistem, che Linnaeus à crià per la scienza.

Ne sé nia da dì mo tan avisa, cun tan de rujenedes che arei da nfé, do (l ultimo cont) l Ethnologue semeiel che l nen ie passa doicënt. La rujenedes, cun chëles che me ei dat ju nchin åën, ie te chël che vën do repurtedes, adum cun n valguna dla funtanes, che n grum de persones me à fat al savëi y cun chëles che ei tëut su cuntat tres Web. Rengrazië duta chësta persones!
 

• Sce sëis d’Europa, y Vosta rujeneda dl’oma ne n’ie nia scrita su, lascëdenes almanco al savëi!
• Sce ëis per nëus n valgun inuemes de plantes, plu che l nen ie miec che l ie. L ie unfat, sce l nen ie un o doi, o de na flora ntiera, nëus l ulon savëi. L miec de dut ie sambën dut chël che ie bele te na forma eletronica. I inuemes muessa vester liei al inuem latin atuel, acioche n possa i cunfrunté.
• L ie nce mpurtant, che la banca dac vënie numineda te Vosta rujeneda, perchël numinëde l inuem de Vosta rujeneda che rujenëis, te Vosta rujeneda! (Y sce la bandiera che on metù pra Vosta rujeneda ne n’ie nia la drëta, o sce l ne n’ie deguna bandiera – Bretania, Catalonia, Corsica, “Flamen”, “Friesland“, Laponia, Malorca y Sardenia mancia for mo – prëibel mandëdenes la drëta verscion!).
• Sce sëis boni de fé la traduzion dl test che lijëis åën, ulessans nce audì la Vosta, per mëter adum de chësta plata verscions te de plu rujenedes.

NB: L ie mé na pitla pert di inuemes permó da udëi tl web - prëibel damandëde do y nëus cialeron de Ve lascé udëi cie che ulëis. Per ativitieies a fin de davani iel da paië aldò.