'BABEL' - unu database a prus limbas pro sos numenes
in limba de sas prantas arestes de s'Europa.
Su latinu est sa limba chi ponet impare totu sos
botanicos. Ponzende a un'ala sos netzessarios mudamentos tassonomicos malos
a sighire,su latinu abbarrat sa ligadura linguistica fetiana. Sos botanicos
de totu su mundu si cumprendent apare ca sos numenes de sas prantas sunt
de una sola manera e ca sas ispetzes sunt descritas e imprentadas a prima
bia in latinu. Su sistema a duos numenes est sa eredidade manna de Linneo,
chi diat esser matanosu a cambiare.
Ma nois nos nos depimus ismentigare sos numenes
chi in unu logu sa gente at impitadu pro seculos, diversos in onzi bidda,
in onzi regione e a bortas in onzi badde o biddighedda. A bortas custos
numenes sunt poesia ebbia non nd'ismentighemus!. Dadu chi so inglesu apo
prus fetianadura cun sos numenes inglesos, ma creo chi siat sa mantessi
cosa in onzi giassu de su mundu. Sos numenes dados dae sa costumantzia
a sas prantas arestes nostras sunt pibinidas de istoria, curtura, maghia,
e mighina, e sunt fundamentu de un'atera làssida, in una diversu
moneda, e onzi biculeddu de custa làssida est pretziada cantu cussa
chi Linneo nos at lassadu in s'interessu de sa issentzia.
In s'innotzentzia mia, no isco nemmancu eo de
pretzisu de cantas limbas so faeddende; a su chi narant sos Ethnologue
(a s'urtimu controllu) paret chi siant prus de dughentas. Cussa chi apo
connotu fintzas a como sunt in unu ordine innoghe suta, impare a sos datos
chi mi sunt istados dados dae maiganta gente, cun sa cale pro su prus mi
so postu in contatu cun su web. Torro gratzias a totu-cantos!
-
Si ses Europeu, e sa limba tua no est galu presente
innoghe, pro praghere nara-nos-lu!
-
Si dae poi dias aer pro a nois scarchi numene de
pranta diat esser puru menzus. At paga impurtantzia si sunt unu o duos,
O puru un'ordine intreu; diamus esser cuntentos su mantessi de los connoscher.
Bellu diat esser si calesisiat préstidu siat in fromma eletronica.
Est netzessariu chi sos numenes siant in relata cun sos numene issoro in
latinu in modu de los poder iscumbatare cun siguresa.
-
Est importante meda chi su database siat numenadu
cun sa limba impitada; e duncas, pro pragher, nade-nos su numene chi dades
a sa limba chi faeddades! (E si se non bos praghet sa pintadura de sa bandera
impitada pro inditare sa limba o su dialetu bostru, o si non b'est in nudda-
- galu mancant;bretone, Catalanu, Corsu, Fiammingu, Frisone, Làppone,
Maiorcanu - pro praghere mandade-nos una bersione sinchera!)
-
Si ti la sentis a tramunare su chi ses legende in
custu mamentu in sa limba tua, pro nde fagher una bersione in limbas meda
de custa pagina, nos diat fagher praghere de l'ischire.
-
A dolu mannu custu elencu no est publicu e podet
solu fagher de bibiografia pro su tempus chi benit in curtzu, custu non
cheret narrer chi, si calecunu pro un'iscopu seriu,at bisonzu de infrommatziones
non nos las podet pedire.
Dae cando custu progetu est tucadu, so de abberu
cuntentu de aer leadu cuntatu cun Roger Whitehead. sos interessos suos
sunt chei sos mios e so cuntentu de narrer chi como sas fortzas nostras
sunt betadas a unu; su traballiu tra nois duos est iscumpartidu de custa
manera: Roger tratat in minudu de sas limbas 'Britannicas': Inglesu, Iscotzesu,
Irlandesu, Gallesu, de Manx e de sa Cornovallia (francu su Frantzesu de
su canale). Eo fato su restu de s'Europa, a mala gana cun prus pagu possibilidade.
Semus ambos cuntentos de retzire dae a bois carchicosa de poder annangher
a sos datos nostros, o si bos podimus ajuare cun sos datos chi amus fintzas
a como ammuntonadu; nois isperamus chi custu traballiu apat impreos meda
in su tempus benidore.
Torramus gratzias a totu cussos chi ant dae pagu
rispostu a sa pregunta nostra de nos ajuare, bi nd'at ateros puru a fora
de sos chi sighint.
-
Alessandro Alessandrini |
Raino Lampinen |
Jaume Ollé |
Vera Besse |
Lennart Nilsen |
Rolf R. van de Pavert |
Marco Bleeker |
Pavel Pisa |
Brane Vries |
Rob Heijman |
Boris Turk |
Mehmet Pojon |
Toomas Kukk |
Barbara Weninger |
James L. Reveal |
Stig B. Neilsen |
Carlos Aguiar |
Vladimir Vladimirov |
Wouter Pilger |
Gonzalo Fernández Borrajo |
Aart Voswinkel |
José Manuel Sánchez |
Girolamo Giardina |
Francois-Jean Blanc |
Anna-Lena Anderberg |
Milan Jovanovic |
Turcsányi Gábor |
Brian Bonnard |
Michael Kleih |
Yvon Brochet |
Lodewijk van Duuren |
Henriette Kress |
Ali Kandemir |
Jeff Humm |
Urmet Lee |
Juan Carlos Baiges |
Nicholas J. A. Williams |
Jose Matas Rubi |
Mary Cassidy |
Susanne Starke-Perschke |
Jordi Pietx |
Sverre Bugge Davidsen |
Andreas Athanassopoulos |
Michel H. Porcher et al. |
Andrés Lozoya |
Lumir G. Janku |
Bernard Blion |
Bernhard Luft |
Nanni Falconi |
|
|
[Sos numeros intro de sas parentis cuadras sunt sos taxa chi amus apidu
fintzas a como]